Á MESA DO PARLAMENTO

O Grupo Parlamentario da Alternativa Galega de Esquerda (EU-ANOVA), a iniciativa da súa deputada Consuelo Martínez García e a través do seu portavoz Xosé Manuel Beiras Torrado, ao abeiro do disposto no artigo 160 do Regulamento da Cámara, presenta a seguinte Proposición non de lei para o seu debate en Pleno.

O Plan Galego de Coidados Paliativos aprobado pola Consellería de Sanidade da Xunta de Galicia en 2006, no seu prólogo di:
“O sistema sanitario ten entre as súas funcións fundamentais non só curar, senón coidar e aliviar o sufrimento dos pacientes e a carga dos seus familiares.
Os coidados na fase terminal da vida, en concreto os coidados paliativos, supoñen un dereito para os cidadáns e un reto para o sistema sanitario.
Para englobar os obxectivos que nos marcamos partimos da mellor definición que os pode reflectir, a que ofrece a Organización Mundial da Saúde: “Os coidados paliativos afirman a vida e recoñecen a morte como un proceso natural, nin a aceleran, nin a pospoñen, proporcionando alivio para a dor e outros síntomas angustiosos, integran os aspectos psicolóxicos e espirituais do cidadán, ofrecen un sistema de soporte para axudar os pacientes a vivir tan dignamente como sexa posible ata que morran. Ofrecen un sistema de soporte á familia para facer fronte á enfermidade e á súa propia dor.

En Galicia cada día son máis as persoas que sofren patoloxías neoplásicas, crónicas e dexenerativas, sen posibilidade de resposta ao tratamento e cun prognóstico de vida curto. Debido a isto, o noso sistema sanitario debe ter como obxectivo aumentar a calidade de vida, sen alongar de forma artificial a supervivencia máis alá do cientificamente razoable, dando apoio emocional a familiares e amigos próximos e coidando e aliviando a dor das persoas enfermas. Por iso foi necesario elaborar este plan que tes nas túas mans, que debe servir de referente para todos os profesionais, organizacións e institucións implicadas no sector. Este marco de desenvolvemento plasmouse neste Plan Galego de Coidados Paliativos, que nace con vocación de universalidade, de equidade, de atención integrada e multidisciplinar e tendo como premisa o respecto á autonomía do paciente e á súa dignidade como ser humano”.
Pois ben, a día de hoxe o conxunto de cidadás e cidadáns adscritos ao hospital POVISA, entre outras comarcas a do Val Miñor e, polo tanto Gondomar, carecen do servizo HADO (hospitalización a domicilio) nunha clara discriminación con respecto ao ámbito CHUVI.

Como queira que neste momento a Xunta de Galicia está negociando co devandito hospital privado un novo concerto para a xestión da área sanitaria que ven atendendo dende hai anos, o Grupo Parlamentar da Alternativa Galega de Esquerda presenta a seguinte Proposición non de lei:
O Parlamento de Galicia insta á Xunta de Galicia a:
1ª.- Garantir a toda a poboación adscrita a área POVISA (máis de 140.000 persoas), o servizo de HADO nas mesmas condicións que as persoas adscritas ao CHUVI.
2ª.- Obrigar de xeito inmediato a POVISA, a poñer en funcionamento o servizo de HADO en toda a área sanitaria que ten adxudicada por Concerto, eliminando a discriminación de acceso aos servizos médico-sanitarios que sofren milleiros de cidadáns e cidadás adscritos obrigatoriamente a este hospital privado por mor dun criterio territorial.

Santiago de Compostela, 9 de decembro de 2013.

Asdo.: Maria Consuelo Martínez García
Deputada do G.P. da AGE.
Xosé M. Beiras Torrado
Portavoz do G.P. da AGE.

PLENO DA CORPORACIÓN MUNICIPAL DE GONDOMAR.

A CORPORACIÓN MUNICIPAL REXEITA POR UNANIMIDADE O CANON DE SOGAMA, E RECLAMA  POR UNANIMIDADE A IMPLANTACIÓN DO SERVIZO HADO (HOSPITALIZACIÓN A DOMICILIO) NA ÁREA SANITARIA POVISA E REXEITA TAMÉN POR UNANIMIDADE O COPAGO SANITARIO DOS MEDICAMENTOS DAS FARMACIAS HOSPITALARIAS.

Onte xoves  tivo lugar o pleno ordinario da Corporación Municipal de Gondomar correspondente ao mes de decembro. 

Tamén coma sempre, o goberno municipal fixo gala da súa “brillante xestión” traendo a pleno a aprobación definitiva da ordenanza que regula as actividades dos furanchos (aprobada só cos votos do goberno e a abstención da oposición); a modificación das tarifas do servizo da auga da traída municipal para o ano 2014 (aprobación inicial) e que unha vez máis suben “obedecendo” o que di a concesionaria; e como exemplo de eficacia trouxeron tamén POR URXENCIA a aprobación das axudas aos clubes de fútbol e á Agrupación Musical de Vincios, unha xestión que tiña que estar feita hai meses.

Na parte que nos corresponde á oposición, tamén coma sempre, fomos @s concelleir@s de ANOVA os levamos a iniciativa con asuntos de interese e de calado que lle afectan a toda a veciñanza.

E así, foron aprobadas por unanimidade as mocións relativas a solicitar do SERGAS e de POVISA que se implante sen demora o servizo de Hospitalización Domiciliaria na área sanitaria que xestiona POVISA e que neste momento atende a máis de 100.000 persoas (incluído todo o Val Miñor) que carecemos do mesmo, en clara discriminación coa área CHUVI. Un servizo básico de atención aos doentes terminais ou con patoloxías crónicas  dexenerativas, así como aos proprios familiares dos mesmos.

A segunda moción aprobada, tamén por unanimidade, ten que ver co rexeitamento do Canón que SOGAMA pretende impoñer de maneira unilateral aos concellos de Galiza polo tratamento dos RSU na súa planta de Cerceda. No caso de Gondomar este incremento andaría ao redor dos 70.000€ ao ano, que sumado ao elevado custe que xa pagamos por este servizo, sería altamente prexudicial para as arcas municipais e, obviamente para as economías  domésticas nas que sería repercutido nos tempos que corren.

A terceira moción aprobada por unanimidade ten que ver co copago sanitario dos fármacos nas farmacias hospitalarias que precisan aquelas persoas non hospitalizadas, e que ten que ver con enfermidades graves e crónicas: cancros, artrite, hepatite, esclerose múltiple, etc, no senso de solicitar a súa retirada e senón que se faga cargo do gasto o Concello a conta da partida de emerxencia social, por ser a maioría das persoas afectadas, pensionistas, parad@s de longa duración, etc.

Foi aprobada por unanimidade a moción de apoio e solidariedade ás mulleres en folga de fame da asociación Ve-la Luz da Coruña, e contra a violencia machista e por unha protección real para as mulleres vítimas desta lacra social.

En Gondomar, a 6 de decembro de 2014.

UN NOVO ATENTADO CONTRA AS RIBEIRAS DO RÍO MIÑOR

O Goberno Municipal de Gondomar e o Goberno da Xunta por medio de Augas de Galicia (ámbalos dous do PP), semellan que andan á competencia a ver quen lle fai máis dano ao Río Miñor. E abofé que non han tardar moito en acabar con el senón llelo impedimos.

Sen entrar nos aterramentos ilegais que tanto dano fixeron e que son a causa principal dos asolgamentos que padecemos cada inverno, este verán Augas de Galicia iniciou as obras dun suposto Tanque de Tormentas que na práctica non é máis que un “pozo negro” descomunal para recoller as augas fecais de medio Gondomar e bombealas á depuradora de Donas. Como todo mundo sabe queren poñelo case no centro da Vila, a carón das vivendas, e ocupando un espazo público á beira do Río Miñor, e como o proprio proxecto indica ten un punto de saída para verter directamente ao río cando o “pozo negro” estea colapsado.

Seguindo coas desfeitas, no mes de xullo dende ANOVA denunciamos a existencia dun ante-proxecto de paseo fluvial duns 600 metros de lonxitude augas abaixo da Ponte de Mañufe, con asfaltado e faroles incluidos. Grazas á denuncia quedou en nada pero, agora volven ás andandas e augas arriba da devandita ponte ( a 20m.), e ás agachadas, acaban de facer dous treitos de paseo fluvial (aprox. 400m en total) que para asombro de propios e estraños foron construidos a base de entullos de obra moídos e sobre todo con restos de asfalto, resediduos moi contaminantes e que en ningunha parte do mundo civilizado se lle ocorrería semellante uso………….Menos en Gondomar, porque o respecto á Natureza e ao Medio Ambiente é algo que non está nos principios ético-políticos de quen nos goberna neste momento.

A maiores do perigo que isto sopón para a ecoloxía do Río Miñor, bastante deteriorada, a obra do devandito paseo é unha chapuza de dimensións considerables, pois trátase dun compactado dos devanditos entullos duns cuns 30cms de altura sobre a rasante natural do terreo o que fará que a primeira enchente leve todo por diante ou, mentres isto non ocorra os campos de cultivo quedarán encharcados sen poder desaugar e polo tanto inservibles para o cultivo.

Non cuestionamos a necesidade do paseo, ao contrario, incluso podemos admitir que está feito polo lugar correcto pero, debe ser construido con respecto: en xabre compactado e ras do chan e usando materias naturais, e dende logo respectano a vexetación autóctona da ribeira .

Por último, dicir que dende ANOVA pediremos explicacións por este asunto no vindeiro Pleno, a Augas de Galicia e se é necesario no Parlamento Galego ou mesmoacudir á Fiscalía. A responsabilidade destas obras ténse que saber. Quen as realiza, se teñen os permisos e os informes preceptivos do organismos de medio ambiente, etc. Ten que lle claro a quen corresponda, que non imos permitir que Gondomar se converta nun vertedoiro de entullos encuberto.

PARALIZACIÓN DAS MULTAS POLA PERCEPCIÓN DE PENSIÓNS DO EXTRANXEIRO AOS EMIGRANTES RETORNAD@S

O Goberno do Estado no seu afán recadatorio pola necesidade de recursos, unha vez máis recorre aos de sempre. Primeiro foi recortando en servizos e prestacións aos máis débiles, despois foron os funcionarios, o “repago” nos medicamentos e, ollo que xa anuncian rebaixas nas pensións……. E agora tócalle ás persoas retornadas da emigración que cobran unha pensión do extranxeiro, ou mesmo lle pode tocar aos mariñeiros embarcados en compañías extranxeiras ou tamén aos traballadores de compañías españolas que sairon ao extraxeiro a facer traballos para esas empresas. Unha vez máis quedan “a salvo” a Banca, as grandes fortunas e as SICAVS, os clubs de fútbol para os que non hai problemas de finanzamento, a Igrexa, os defraudadores que teñen os cartos en paradisos fiscais, os que cobran sobre-soldos en A ou en B, etc, etc, etc.

  

Milleiros de galeg@s (a cifra de afectad@s inicialmente pode pasar dos 50.000) que pasaron máis de media vida na emigración, ou traballando no extranxeiro e aforrando para axudar ás familias que deixaran atrás, e que grazas aos envíos dos seus aforros en divisas axudaron a “levantar o País”, o País de outros porque esas divisas nunca se investiron en Galiza para criar riqueza na NosaTerra. Pois ben, agora son novamente expoliados por un Estado que nunca fixo nada por eles, e porriba dálles o mesmo trato coma se fosen defraudadores fiscais pero sen dereito a amnistía ningunha.

Pódese dicir que estamos diante dunha nova estafa semellante á das Preferentes, por certo, moitas destas persoas volven a ser vítimas de novo. A diferenza está en que neste caso é a propia Facenda Pública e o Goberno do Estado quen promove directamente este engano. Non ten outro cualificativo xa que a moitas destas persoas foi a propria Axencia Tributaria quen lle informou que as súas pensións do extranxeiro estaban libres de retencións ou tributacións no IRPF. Por non falar da discriminación existente con respecto aos pensionistas do Estado, pois mentres estes teñen a barreira en 22.000€, os emigrantes téñena en 11.200€ por considerar Facenda que teñen dous pagadores. Que pasou cos convenios bilaterais con países como Alemaña que deixarían exentos de pago aos emigrantes no país xermano?.

Agora de súpeto a Axencia Tributaria, non só lles esixe o pago atrasado dunha débeda que descoñecian, senón que ademais sanciónaselles de xeito improcedente xa que non existe principio de culpabilidade. Os requirimentos de pago das devanditas débedas e sancións, incluso con ameazas de embargo xa están chegando, e nalgúns casos estamos a falar de ter que pagar 20.000€ en 15 días.

Resulta evidente que Gondomar non é un concello alleo a esta problemática, non hai máis que botarlle unha ollada ao CERA para ter unha idea da importancia que a emigración tivo, e aínda ten, para o noso Concello. Quen non ten un familiar, un amigo ou un veciño fóra de Galiza? …..E segue emigrando xente moza ao estranxeiro.

Por todo isto, proponse ao Pleno a aprobación da seguinte proposta:

A Corporación Municipal de Gondomar acorda dirixirse ao Goberno do Estado e aos resposables da Facenda Pública; ao Goberno Galego; á Mesa do Congreso dos Deputados e á Mesa do Parlamento Galego, para solicitarlles que paralicen canto antes este abuso contra os nosos emigrantes, e para que habiliten as fórmulas legais máis acaidas para resolver definitivamente esta situación, con xustiza e co respecto debido que as persoas emigradas merecen.

Moción paralización venda de NCG Banco

José María Castellano, Presidente Executivo de NCG BANCO, S.A., vetado en INDITEX por deslealdade co seu antigo xefe Amancio Ortega, non está lexitimado para seguir dirixindo os destinos de NCG BANCO por ser o impulsor dunha folla de ruta encamiñada a poñer a este Banco nas mans dun fondo de investimento americano (Guggenheim Investment, segundo noticias dos xornais) que sabemos ten a  sede oficial na 57 Avenida de Nova Iorke. Tamén sabemos que os investimentos no extranxeiro deste fondo non están garantidos polo Goberno de Estados Unidos e que algúns dos seus executivos proceden da desaparecida Goldman Sachs.

Polo tanto temos dereito a pensar que algún dos condicionantes da posible venda sexa a permanencia do actual equipo de Dirección do Banco.

Bruxelas, no seu  Memorandum de Entendemento (MOU) fixa de prazo ata 2017 para o saneamento de NCG BCO e para a devolución de cerca de 9.000 millóns de euros recibidos para sacar a flote este Banco.

Nestes momentos o Bco de Santander, BBVA e Caixabank están facendo o “paripé” para simular un interese que non teñen na compra deste Banco.  Os tres Bancos están soportando políticas de adelgazamento dos seus balances, seguen despedindo empregados e suprimindo sucursais. Os tres Bancos manteñen a súa política de estrangulamento de particulares, autónomos e pequenas empresas impedindo o seu acceso ao crédito, non hai máis que preguntárllelo ás Asociacións de Comerciantes e da Pequena Empresa se atopan nestes momentos o apoio financeiro que precisan.

Os Sres. Castellano e Feijoo están vendendo a idea de que NCG BANCO está saneado o que pode atraer novos investidores capaces de recomprar ao FROB a súa participación.

O Sr. Feijoo non pode presentarse a unha reelección despois de axudar a deslocalizar a sede social de NCG BANCO e por iso prefire un Fondo de Investimento americano non sometido ás normas do Banco Central Europeo.

Alberto Núñez Feijoo foi quen colocou ao Sr. Castellano na Presidencia de NCG BANCO e agora non pode defraudalo.

O Sr. Castellano presentouse como solución a todos os problemas cargado de promesas de atraer pola súa cara bonita unha chea de millóns en pouco tempo.

Eso sí, faltoulle tempo para enganar, con balances falseados, a 17 empresas de capital galego que hoxe reclaman por vía xudicial o diñeiro investido.

Era o ano 2010 e os “amigos investidores americanos” non aparecían por ningún lado. Por que non aparecían? Porque querían garantías.

E esa foi a tarefa dos Sres. Castellano e Feijoo: mandar á rúa a milleiros de traballador@s, pechar sucursais non rendibles que en moitos casos cumprían un papel fundamental como elementos de fixación dunha poboación dispersa, sobre todo no rural galego.

Puxeron en marcha un proceso de Arbitraxe para a devolución de Preferentes e Subordinadas totalmente opaco que intentaba diminuir o problema social causado pola venda de produtos tóxicos intentando así desmobilizar a 80.000 clientes estafados por toda a xeografía galega que, por certo, tiveron e teñen un comportamento exemplar durante todo este tempo reivindicando os seus dereitos. Este proceso de Arbitraxe debe someterse a unha auditoría con presencia de representantes do Parlamento Galego para que non queden dúbidas sobre a limpeza das decisión tomadas en presencia do Instituto Galego de Consumo.

Os Sres Feijoo e Castellano pensaban que o proceso de “canxe ou quita” ía parar a marea de protestas e equivocáronse.

A mayoría dos xuíices, coñecedores das malas prácticas utilizadas no deseño e venda destes produtos emiten unha e outra vez sentenzas a favor dos clientes. Tanto a CNMV como o Banco de España e o FROB son coñecedores neste momento de que tanto Caixa Galicia como

Caixanova, coa colaboración de IBERCLEAR, sociedade depositaria da Central de Valores Española, non reflectiron, desde o inicio da comercialización dos produtos tóxicos, os seus valores reais de mercado o que supón que moitas Declaracións de Patrimonio e outros Impostos (Sucesións, Donacións, etc) tributaron no seu día en base a cantidades que non reflectían os seus valores reais a finais de cada exercicio fiscal.

Saneado o Banco a conta dos contribuintes existe liquidez para devolver o diñeiro estafado. Pero hai un problema: as condenas en costas supoñen un gasto excesivo.

É no mes de Agosto cando o Sr. Feijoo, o Sr Castellano e o Poder Xudicial pactan unha ampliación da arbitraxe á galega. Inventan un novo sistema no que poidan resolver unhas ducias de casos mediante un proceso de conciliación xudicial que evite o pago das costas dos xuizos. Un novo intento de reducir a presión social sen resolver o problema. Unha solución de “trileros” para non dar o brazo a torcer e escaquear a devolución do 100% do diñeiro expropiado. Diante de Bruxelas non é unha continuación da arbitraxe, é un amaño de mal pagador. Por certo este “bombazo informativo” segue despois dun mes do seu anuncio sen concretarse nun protocolo por escrito que sexa coñecido por todos.

A maquinaria de Marketing está en marcha:

NCG BANCO declara un beneficio de 21,2 millóns de euros no primeiro trimestre.

NCG BANCO obtén  67 millóns de beneficios, antes de impostos, no primeiro semestre.

En Setembro elímínase a “clausula suelo”

Véndese EVO BANCO, unha marca comercial creada só para captar fondos, a un Fondo de Investimento americano: a súa primeira medida é reducir o salario aos seus empregados.

Operación venda:

Quen é o Fondo Guggenheim?

Este fondo agrupa a outros fondos: AC FLOWERS, ANCHORAGE, ELLIOT, WL ROSS, GUGGENHEIM INVESTMENT, etc. E só sabemos que ten a sede oficial na 57 Avenida de Nova Iorke e que no seu equipo de Dirección conta con antigos executivos da desaparecida Goldman Sachs como saben un dos emporios financeiros, xunto a Lechman Brothers,  provocadores da actual crise financeira mundial.

Por que hai que vender NCG BANCO agora e non BANKIA?

Un Banco declarado sistémico é un Banco que non debe desaparecer por motivo ningún e que hai que protexer.

A declaración de “BANCO SISTEMICO” é competencia  do Consello de Estabilidade Financeira (FSB- Financial Stability Board) con sede en Basilea (SUIZA). Dentro do Estado soamente BBVA e Banco de Santander están incluidos nesa clasificación a nivel mundial. Intereses político-financeiros están declarando extraoficialmente a BANKIA como Banco Sistémico.

O Ministerio de Economía e Competitividade, o Banco de España e o FROB, poden sumar, se queren, a NCG BANCO como Banco sistémico. Galicia non pode quedar sen un Banco que conta cunha cota de mercado de cerca dun 50%.

Por todo o exposto proponse ao Pleno a adopción do seguinte acordo :

Dirixirse por escrito ao Sr. Presidente da Xunta de Galicia nos seguintes termos:

1.       Solicitar facilite aos representantes no Parlamento Galego o caderno de vendas que fixa o valor de NCG BANCO no momento actual e que concreta os créditos fiscais da operación.

2.       Solicitar ao FROB a PARALIZACION DA VENDA DE NCG BANCO mentras non se devolva o 100% do diñeiro expropiado aos aforradores que contrataron Participacións Preferentes e Obrigas subordinadas.

3.       Solicitar que o FROB manteña o horizonte de 2017 requerido por Bruxelas para o saneamento total do Banco.

4.       Iniciar o estudo da conversión de NCG BANCO nun BANCO PÚBLICO GALEGO como única alternativa para que o financiamento chegue a particulares, empresas ou Concellos e para que se recupere a Obra Social tanto en investimentos referidos á economía produtiva como ao apoio á cultura, sanidade ou ensino.

5.       Ordenar unha Auditoría de todo o proceso de Arbitraxe, con presencia de representantes das forzas políticas representadas no Parlamento Galego.

ANOVA IRMANDADE NACIONALISTA apoia a caravana contra o vial de Nigrán

Exposición de motivos:

José María Castellano, Presidente Executivo de NCG BANCO, S.A., vetado en INDITEX por deslealdade co seu antigo xefe Amancio Ortega, non está lexitimado para seguir dirixindo os destinos de NCG BANCO por ser o impulsor dunha folla de ruta encamiñada a poñer a este Banco nas mans dun fondo de investimento americano (Guggenheim Investment, segundo noticias dos xornais) que sabemos ten a  sede oficial na 57 Avenida de Nova Iorke. Tamén sabemos que os investimentos no extranxeiro deste fondo non están garantidos polo Goberno de Estados Unidos e que algúns dos seus executivos proceden da desaparecida Goldman Sachs.

Polo tanto temos dereito a pensar que algún dos condicionantes da posible venda sexa a permanencia do actual equipo de Dirección do Banco.

Bruxelas, no seu  Memorandum de Entendemento (MOU) fixa de prazo ata 2017 para o saneamento de NCG BCO e para a devolución de cerca de 9.000 millóns de euros recibidos para sacar a flote este Banco.

Nestes momentos o Bco de Santander, BBVA e Caixabank están facendo o “paripé” para simular un interese que non teñen na compra deste Banco.  Os tres Bancos están soportando políticas de adelgazamento dos seus balances, seguen despedindo empregados e suprimindo sucursais. Os tres Bancos manteñen a súa política de estrangulamento de particulares, autónomos e pequenas empresas impedindo o seu acceso ao crédito, non hai máis que preguntárllelo ás Asociacións de Comerciantes e da Pequena Empresa se atopan nestes momentos o apoio financeiro que precisan.

Os Sres. Castellano e Feijoo están vendendo a idea de que NCG BANCO está saneado o que pode atraer novos investidores capaces de recomprar ao FROB a súa participación.

O Sr. Feijoo non pode presentarse a unha reelección despois de axudar a deslocalizar a sede social de NCG BANCO e por iso prefire un Fondo de Investimento americano non sometido ás normas do Banco Central Europeo.

Alberto Núñez Feijoo foi quen colocou ao Sr. Castellano na Presidencia de NCG BANCO e agora non pode defraudalo.

O Sr. Castellano presentouse como solución a todos os problemas cargado de promesas de atraer pola súa cara bonita unha chea de millóns en pouco tempo.

Eso sí, faltoulle tempo para enganar, con balances falseados, a 17 empresas de capital galego que hoxe reclaman por vía xudicial o diñeiro investido.

Era o ano 2010 e os “amigos investidores americanos” non aparecían por ningún lado. Por que non aparecían? Porque querían garantías.

E esa foi a tarefa dos Sres. Castellano e Feijoo: mandar á rúa a milleiros de traballador@s, pechar sucursais non rendibles que en moitos casos cumprían un papel fundamental como elementos de fixación dunha poboación dispersa, sobre todo no rural galego.

Puxeron en marcha un proceso de Arbitraxe para a devolución de Preferentes e Subordinadas totalmente opaco que intentaba diminuir o problema social causado pola venda de produtos tóxicos intentando así desmobilizar a 80.000 clientes estafados por toda a xeografía galega que, por certo, tiveron e teñen un comportamento exemplar durante todo este tempo reivindicando os seus dereitos. Este proceso de Arbitraxe debe someterse a unha auditoría con presencia de representantes do Parlamento Galego para que non queden dúbidas sobre a limpeza das decisión tomadas en presencia do Instituto Galego de Consumo.

Os Sres Feijoo e Castellano pensaban que o proceso de “canxe ou quita” ía parar a marea de protestas e equivocáronse.

A mayoría dos xuíices, coñecedores das malas prácticas utilizadas no deseño e venda destes produtos emiten unha e outra vez sentenzas a favor dos clientes. Tanto a CNMV como o Banco de España e o FROB son coñecedores neste momento de que tanto Caixa Galicia como

Caixanova, coa colaboración de IBERCLEAR, sociedade depositaria da Central de Valores Española, non reflectiron, desde o inicio da comercialización dos produtos tóxicos, os seus valores reais de mercado o que supón que moitas Declaracións de Patrimonio e outros Impostos (Sucesións, Donacións, etc) tributaron no seu día en base a cantidades que non reflectían os seus valores reais a finais de cada exercicio fiscal.

Saneado o Banco a conta dos contribuintes existe liquidez para devolver o diñeiro estafado. Pero hai un problema: as condenas en costas supoñen un gasto excesivo.

É no mes de Agosto cando o Sr. Feijoo, o Sr Castellano e o Poder Xudicial pactan unha ampliación da arbitraxe á galega. Inventan un novo sistema no que poidan resolver unhas ducias de casos mediante un proceso de conciliación xudicial que evite o pago das costas dos xuizos. Un novo intento de reducir a presión social sen resolver o problema. Unha solución de “trileros” para non dar o brazo a torcer e escaquear a devolución do 100% do diñeiro expropiado. Diante de Bruxelas non é unha continuación da arbitraxe, é un amaño de mal pagador. Por certo este “bombazo informativo” segue despois dun mes do seu anuncio sen concretarse nun protocolo por escrito que sexa coñecido por todos.

A maquinaria de Marketing está en marcha:

NCG BANCO declara un beneficio de 21,2 millóns de euros no primeiro trimestre.

NCG BANCO obtén  67 millóns de beneficios, antes de impostos, no primeiro semestre.

En Setembro elímínase a “clausula suelo”

Véndese EVO BANCO, unha marca comercial creada só para captar fondos, a un Fondo de Investimento americano: a súa primeira medida é reducir o salario aos seus empregados.

Operación venda:

Quen é o Fondo Guggenheim?

Este fondo agrupa a outros fondos: AC FLOWERS, ANCHORAGE, ELLIOT, WL ROSS, GUGGENHEIM INVESTMENT, etc. E só sabemos que ten a sede oficial na 57 Avenida de Nova Iorke e que no seu equipo de Dirección conta con antigos executivos da desaparecida Goldman Sachs como saben un dos emporios financeiros, xunto a Lechman Brothers,  provocadores da actual crise financeira mundial.

Por que hai que vender NCG BANCO agora e non BANKIA?

Un Banco declarado sistémico é un Banco que non debe desaparecer por motivo ningún e que hai que protexer.

A declaración de “BANCO SISTEMICO” é competencia  do Consello de Estabilidade Financeira (FSB- Financial Stability Board) con sede en Basilea (SUIZA). Dentro do Estado soamente BBVA e Banco de Santander están incluidos nesa clasificación a nivel mundial. Intereses político-financeiros están declarando extraoficialmente a BANKIA como Banco Sistémico.

O Ministerio de Economía e Competitividade, o Banco de España e o FROB, poden sumar, se queren, a NCG BANCO como Banco sistémico. Galicia non pode quedar sen un Banco que conta cunha cota de mercado de cerca dun 50%.

Por todo o exposto proponse ao Pleno a adopción do seguinte acordo :

Dirixirse por escrito ao Sr. Presidente da Xunta de Galicia nos seguintes termos:

1.       Solicitar facilite aos representantes no Parlamento Galego o caderno de vendas que fixa o valor de NCG BANCO no momento actual e que concreta os créditos fiscais da operación.

2.       Solicitar ao FROB a PARALIZACION DA VENDA DE NCG BANCO mentras non se devolva o 100% do diñeiro expropiado aos aforradores que contrataron Participacións Preferentes e Obrigas subordinadas.

3.       Solicitar que o FROB manteña o horizonte de 2017 requerido por Bruxelas para o saneamento total do Banco.

4.       Iniciar o estudo da conversión de NCG BANCO nun BANCO PÚBLICO GALEGO como única alternativa para que o financiamento chegue a particulares, empresas ou Concellos e para que se recupere a Obra Social tanto en investimentos referidos á economía produtiva como ao apoio á cultura, sanidade ou ensino.

5.       Ordenar unha Auditoría de todo o proceso de Arbitraxe, con presencia de representantes das forzas políticas representadas no Parlamento Galego.

Anova proponlles ás forzas nacionalistas e de esquerdas unha fronte ampla para a ruptura democrática nas eleccións europeas

A Coordinadora Nacional de Anova, reunida en Teo o 14 de setembro de 2013, acorda pular por unha fórmula de fronte ampla non excluínte para as eleccións europeas.

As vindeiras eleccións europeas poderiamos abordalas como unhas eleccións máis para representar a Galiza no Parlamento Europeo, mais Anova debe apostar por convertelas nun plebiscito do réxime ou, polo menos, nun ensaio xeral da creba democrática.

Por iso, Anova acorda:

1. Facer un chamamento a todas as forzas políticas galegas nacionalistas e da esquerda rupturista, aos movementos cívicos, para dialogar e conformar un acordo de unidade de acción electoral para as eleccións europeas baixo a fórmula dunha fronte ampla non excluínte.
2. Facer un chamamento ás organización políticas, e tamén ás plataformas e organizacións cívicas das outras nacións, para que baixo o principio do máximo respecto á autoorganización de cada unha delas, constitúan o seu suxeito político plural disposto a partillar connosco nunha coalición electoral que teña como propósito común a loita pola fin do réxime, a ruptura democrática e a democracia real.

 Xosé Manuel Beiras, portavoz nacional de Anova, fixo a proposta de frente ampla para as eleccións europeas, unha alianza de todas as forzas rupturistas a nivel do Estado con dous eixos: o dereito de autodeterminación das nacións e a creba do réxime da segunda restauración borbónica.

Cómpren novas alternativas políticas, unha nova ferramenta dos e das nacionalistas galegas para intervir e incidir no proceso de fin de réxime cara a un novo ciclo político propiciado polo activismo da cidadanía. Isto é algo polo que en ANOVA andamos a traballar. Hai un ano fixemos unha proposta para este tipo de Fronte Ampla non excluínte, que para ese momento e instancia específica foi AGE.
A crise económica derivada da crise financeira e agravada pola xestión que daquela está a facer a plutocracia e os seus monecos; a crise da UE secuestrada por institucións "tecnocráticas"; a posibilidade da fin da segunda restauración borbónica pola crise do réxime nacido da transición, e os efectos que todo iso ten nas institucións autonómicas cada volta máis inservíbeis para a cidadanía galega, reclaman que traballemos combinadamente en todos eses ámbitos.
A aposta do nacionalismo, da esquerda e de calquera demócrata ten que ser por unha creba democrática coa segunda restauración borbónica, nun proceso protagonizado pola cidadanía e trasladado á instancia política polas forzas rupturistas que realmente conecten con esa cidadanía.
Na nación galega, un proceso constituínte impulsado polos cidadáns e cidadás galegas, pobo soberano, e trasladado á instancia política polo nacionalismo e por aquelas forzas que, sen seren nacionalistas, respecten o noso dereito á autodeterminación e o practiquen.
No noso país, para a conformación do suxeito político plural, ANOVA propón de novo a unidade de acción do nacionalismo e da esquerda baixo a fórmula da fronte ampla non excluínte co obxectivo de rematar coa segunda restauración e abrir paso a un proceso constituínte galego no que a soberanía nacional se exerza polo pobo, soberanía popular.
No estado. Hai que conxugar nese escenario un proceso aberto para as catro nacións (Galiza, Euskalerria, os Paisos Cataláns e España en sentido estricto).
Precisamos alianzas coas forzas cívicas e sociais, hai que conectar coa cidadanía e propiciar unha alianza coas forzas políticas rupturistas, para provocar un proceso constituínte (catro en puridade) que pasaría por unhas eleccións non ordinarias senón por unhas de fin de réxime.
A coincidencia das crises do réxime, da autonomía galega e económica abre a posibilidade dunha grande fronte ampla non excluínte pola ruptura democrática, conformada a partir  de suxeitos cívico-políticos plurais nas nacións que forman o Estado español, coa única condición de que a fin do réxime político dea paso a procesos constituíntes soberanos en cada unha delas.
As próximas eleccións europeas poderiamos abordalas como unhas eleccións máis para representar a Galiza no Parlamento Europeo, mais ANOVA debe apostar por convertelas nun plebiscito do réxime ou ao menos nun ensaio xeral dunha eleccións para a ruptura democrática.

Sobre os incendios forestais

1

Galiza ten o 7,7 % da superficie forestal do Estado e ocorren o 45% dos incendios. O factor diferencial evidentemente non é o número de incendiarios. Ten causas estruturais evidentes como afirman todos os expertos. Ausencia de ordenación do territorio, desertización do rural, aposta por un modelo baseado na trituración de madeira de baixa calidade, baixo valor e por tanto baixa rendibilidade do monte, etc.

2

O PP que gobernou 27 de 32 anos de autonomía, é o principal responsable da situación do rural e do monte galego. A ausencia de políticas de viabilización do rural do PP son as principais causantes da lacra do lume.

No 1992 apróbase un Plan contra incendios, consensuado por todas as forzas do Parlamento, para desenvolver unha política integral do monte que tivera en conta todos os obxectivos antes expostos para mudar as condicións estruturais que causaban os lumes e que impedían a explotación rendíbel do monte.

A consecución destes obxectivos debería de ser que cada vez se gastase menos en extinción e máis en prevención. Pois ben, sucede ao contrario: a única política do PP é a extinción, a manipulación, e a mentira. O único argumento é que a culpa é dos incendiarios, tratando de desviar a atención da súa ineptitude. ”Cómo si un ministro de Interior lle bota a culpa do aumento da delincuencia aos delincuentes”.

3

 Aínda así, e a pesar de que todos os anos se gastan unha media de 90-100 millóns de euros en loita contra incendios, o operativo é cada vez menos profesional, menos eficiente, menos coordinados, e voltamos ao sistema caciquil de contratación nos concellos.

Ate 11 entidades/organismos/empresas diferentes poden actuar nun lume. Seaga,funcionarios Xunta, Tragsa, brigadas municipais, UME, Protección civil, bombeiros públicos, privados, etc...Éste ano non se realizaron practicamente traballos de prevención xa que os que o tiñan que facer foron contratados na súa maioría en Agosto.

Feijoo, Rosa Quintana, son uns sinvergoñas (saben que o que din é mentira), mentireiros (trucan os datos) e manipuladores (queren por o foco só en quen prende o lume) cando fan eses discursos triunfalistas. Non asumen a súa responsabilidade nos lumes, cando estando na oposición tiveron un comportamento “canalla” na utilización dos lumes como arma partidaria ( lembremos a famosa foto da mangueira).

4

ANOVA manifesta que so cun cambio profundo nas políticas do rural terá solución a lacra dos lumes. Revitalizar o rural evitando a desertización, ordenar o territorio, encamiñar o modelo cara un monte cunha funcionalidade múltiple, e cara a explotación de madeira de alto valor engadido. Se o monte deixa de ser un problema para ser percibido pola poboación do rural como unha oportunidade, mellorará substancialmente a situación (as zonas onde o monte é rendíbel arden menos ou non arden).

Incrementar o esforzo en prevención (un exemplo do que non se debe de facer é retirar as subvencións ás razas autóctonas que serven para pastorear no monte) e promover a educación ambiental na poboación e camiñar cara un modelo de extinción profisionalizado e simplificado, evitando a multiplicidade de entes.

Galiza 2 de setembro de 2013

Construen un asador ilegal no atrio de San Roque-Morgadáns

    A maiores da ilegalidade da obra: sen autorizacións de Patrimonio ou licenza municiapal,  da ausencia de proxecto, sen concurso público para a súa adxudicación, etc, etc, Nos tempos que corren os cartos públicos (QUE SON DE TOD@S) deben ser administrados con rigor e priorinzando o seu gasto. Que neste momento ten que estar centrado na emerxencia social e non en festas ou cuestións relacionadas coas mesmas.

     O modus operandi deste latrocinio leva a marca da casa PP. O de menos é a escala ou as cantidades .....ou quen sexa o seu autor, chámese Bárcenas, sexan 42 millóns de euros ou 30 mil, ou que a trapallada se faga dende a R/Génova ou dende Morgadásn. Con estas cousas tolerancia cero.

Goberno Municipal de Gondomar: Dous anos perdidos!

O pasado 22 de maio cumpríronse dous anos do actual mandato municipal. Un tempo de cortesía abondo polo que agora cómpre facer a valoración pública do actual goberno local. Comezaremos por definir a coalición de goberno formada polo PP-CDL. Trátase dunha unión temporal de intereses entre as diferentes familias do PP á que agora hai que lle sumar unha nova peza: o disidente Eladio Costas. Entre eles sempre se entenden e o demais son foguetes de artificio para despistar. Pois ben, a nosa valoración non vai ser diferente á que fai a cidadanía na rúa: desgoberno, desleixo, cobro de dedicacións exclusivas e nula xestión municipal.

Se temos en conta que os orzamentos son a ferramenta básica de calquera goberno e a expresión cifrada das súas intencións e obxectivos, e como no caso de Gondomar levamos cos orzamentos de 2011 prorrogados, temos que concluir que os obxectivos do actual goberno municipal para mellorar as condicións de vida da veciñanza son nulos. Co agravante de que a concelleira de economía e facenda cobra unha xenerosa dedicación exclusiva por non facer o seu traballo en tempo e forma. A maiores temos gastos e contratos sen control, a Conta Xeral sen aprobar e como consecuencia a perda de máis de un millón de euros en subvecións nestes dous anos, a suba sen medida do IBI, etc, etc.

No urbanismo a paralise é evidente. Nesta área tamén hai concelleiro con dedicación exclusiva e mentres, no canto de dar licenzas, revisan as concedidas para seren anuladas. Os núcleos do ano 1991 “revividos” e que seica ían ser a panacea, non resolveron nada como era evidente. Do novo PXOM o único que sabemos é que o goberno municipal non quere o consenso con ningúen, e menos escoitar ás organización veciñais e sociais de Gondomar. A día de hoxe o novo PXOM xa leva nove anos de paralise dende a anulación do de 1997 polo T.S. en 2005. E todo polo uso partidario e electoralista que o PP fixo sempre deste documento imprescindible para a ordenación do territorio muncipal.

Na concellaría de obras, máis do mesmo. Como non hai cartos nin capacidade política para xestionar recursos noutras administración, dedícanse ao “menudeo” que ten máis que ver co clientelismo que cunha programación sistematizada de melloras nas infraestrutras. Coma mostra un botón: faltoulles facer repinicar as campás porque o Goberno Muncipal deu arranxado 80 pozos de rexistro de sumidoiros. Inaúdito, o mantemento diario elevado á categoría de grandes obras.

Ca concellaría de medio ambiente, GESECO segue mandando na recollida de RSU e o Concello pagando relixiosamente os sobrecustes que a concesionaria quere. Sen melloras no servizo e porriba coa concesión que tiña que estar rematada hai tres anos. Iso si, malia estar sen regularizar o servizo, o PP aprobou cobrar o recibo do lixo.

En resumo, Gondomar ten un goberno municipal e un alcalde incapaces de dialogar coa sociedade á quen se debe. De planificar o futuro do noso Concello, aínda que sexa para estarnos preparad@s cando a situación mellore ou, de xestionar diante das diferentes Administracións (por certo, todas do PP) para rematar obras e proxectos que outros puxemos en marcha con moito esforzo: a urbanización e ordenación do Polígono Industrial da Pasaxe, a construcción do Paseo Fluvial pola beira do R. Miñor, ou novo Centro de Saude.

Nada disto lle importa ao PP de Gondomar encerellado nas súas leas internas mentres @s contribuintes mantemos un goberno municipal ineficaz e onde cobran SEIS de NOVE. U-lo a promesa de xestión empresarial que prometerá o Sr. Alcalde cando a súa toma de posesión?. De ser isto posible a día de hoxe estarían todos ele@s despedidos ou, como mínimo cun ERE de extinción en tramitación.

Contratación no Concello

No departamento de Vías e Obras do Concello de Gondomar actualmente traballan: Un capataz, dous palistas, un oficial de 1ª, un peón especialista, un conductor de camión, un axudante de servizos varios e un peón-axudante de servizos varios. 

Prazas vacantes neste servizo dende a Relación de Postos de Traballo (aprobada definitivamente o 30/12/2006: 1 oficial de 1ª, un conductor, un oficial de 2ª e tres peóns-axudantes. 

Neste departamento existe unha pala e un tractor desbrozador que son, ou deberían ser, manexados polos dous palistas da plantilla municipal.

Por causas que se descoñecen dende hai dez días (10/05/2013) o tractor esta sendo usado por unha persoa allea ao Concello de Gondomar, en labores de desbroce de camiños públicos, causando estupor e asombro entre os empregados municipais. O seu horario é de mañán pero hai días que tamén traballa pola tarde. Que se sepa non hai asinado a día de hoxe ningún contrato menor ou calquera outro para este cometido. Por que o uso dunha persoa allea ao Concello para a utilización de maquinaria municipal? Por qué non se promociona, de ser necesario, a algún dos traballadores de Vías e Obras para o uso do tractor? Xa que non hai ningún impedimento por titulación e requisitos para facelo e suporía un recoñecemento á valía do persoal que traballa nese departamento, ademais dun aforro para o Concello. Como é posible que unha persoa allea á administración pública estea ocupando un posto de traballo obviando os criterios de acceso de mérito, igualdade e capacidade? Que pasará se se produce un accidente? Quen responderá do dano causado? É consciente o Sr.Alcalde da responsabilidade que incorre e da que responsabilidade patrimonial que incorre a Administración municipal polo seu desatino? Cal son os criterios usados, se é que existen, para a contratación desta persoa, cal é a súa modalidade contractual ou de servizos, se é que existe, e para que foi contratado ? Por que non se utiliza ao persoal do Concello? É esta a medida da eficacia, eficiencia e control do gasto do Sr.Gutián.? “Contratar” fora o que poderían realizar os propios empregados municipais?

Velaiqui a verdadeira cara do Goberno do Sr. Gutian e do Partido Popular, privatizar os servizos do Concello, mentres se da de lado aos empregados municipais. Velaiqui a verdadeira razón do incremento de máis de 1 millón de euros no Capitulo 2 (Gastos correntes e Servizos) do último orzamento aprobado e prorrogado en 2013, mentres se rebaixaba a contía no capítulo 1 (Persoal).

Non se trata de aforrar, senón de gastar máis privatizando co mantra da crise e coa desculpa do control do gasto na administración pública. Dende o grupo municipal nacionalista pedímoslle ao señor Alcalde de Gondomar públicas explicacións deste proceder. So faltaría que o Goberno municipal de Gondomar estea contratando “en negro”.

Fosa Sética no Centro da Vila

QUE O ALCALDE, O GOBERNO MUNICIPAL E AUGAS DE GALICIA EXPLIQUEN O DA “FOSA SEPTICA” NO CENTRO DA VILA DE GONDOMAR.

As obras relacionadas coa rede de saneamento de Gondomar que Augas de Galicia está levando a cabo, prácticamente no centro da Vila, por un importe de 3,5 millóns de euros, son o resultado da mala execución dun proxecto de saneamento, deficitario, e feitas polo mesmo organismo nos anos 97-98, e que xa naquela altura algúns denunciaramos. Agora este remendo vai custarlle ás arcas públicas case a metade do que se investiu naquela primeira fase, incluida a construcción da depuradora.

A preocupación dos veciños dos bloques de vivendas situados a menos de 40 metros da grande “fosa séptica”, queixanse con razón da falla de explicacións do Goberno Municipal e de Augas de Galicia, e por se isto non fose abondo, o alcalde de Gondomar todo o que lle ten que dicir a estas persoas preocupadas é “que non hai que preocuparse”. Os veciños e veciñas dos edificios lindantes fanse preguntas tan básicas como: vai haber filtracións nos seus garaxes?, vai producir ruidos o sistema de bombeo?, vai cheirar mal? , que vai pasar cando veñan as riadas?, e cando limpen o depósito ou as bombas se avaríen?, era ese o lugar máis axeitado para a súa ubicación?...

Dende o grupo de concelleir@s nacionalistas de ANOVA na Corporación Municipal, a maiores destas preguntas que se fai a veciñanza, tamén queremos saber quen se vai facer cargo do mantemento deste depósito, do sistema bombeo e do consumo eléctrico que sen dúbida será elevado. Asemade, emprazamos públicamente ao Alcalde, Goberno Municipal do PP e a Augas de Galiza a dar todo tipo de explicacións sobre as obras deste macro pozo negro no centro da Vila, comezando polos veciñ@s afectados, explicación que vai ter que dar no vindeiro pleno ordinario.

Con data 16/05/2013, foi presentada polo noso grupo no Rexistro Municipal a petición de acceso ao expediente destas obras, pois a súa tramitación ofrécenos dúbidas razoables a respecto de cómo foi levada. A maiores, queremos saber cal foi a opinión do Concello sobre esta obra ou, que din os informes dos técnicos municipais sobre a súa ubicación, etc.

Por último, se as repostas do Goberno Municipal non son claras e rápidas, levaremos o asunto ao Parlamento Galego (a través do Grupo Parlamentar de AGE) para que sexa a propia a Xunta de Galicia e Augas de Galicia quen dean as explicacións oportunas.

ANOVA solicita un Pleno Extraordinario en Gondomar sobre as Preferentes e Subordinadas

O PP queda "atrapado" en Gondomar polas Preferentes

Venres 22 de febreiro de 2013. O día en que Louzán, Chema Figueroa e os Alcaldes do Val Miñor quedaron "atrapados" en Gondomar polas preferentes.

Non tiveron máis remedio que dar a cara. Xa non enganan a ninguén e as promesas electorais agora volvenselle en contra. Xa non vale dicir que o PP está coas persoas afectadas e despois votar en contra no Parlamento Galego de axilizar e aumentar as arbitraxes. Por se tiñan dúbidas o venres pasado quedoulles claro que a solución é política e depende do goberno do PP.

 Os concelleiros de ANOVA apoian en todo momento aos veciños e veciñas afectados nas súas reivindicacións.

 

Moción de Urxencía sobre a supresión de liñas de transporte a Vigo

Proxecto de Construcción de Muro de Contención no Parque das Cercas

(Antigo colexio público Enrique Rodríguez Márquez)

No BOP do 18/12/2012 saía un anuncio do Concello de Gondomar, Exp. DH.W36.40633, referido á solicitude de autorización a Augas de Galicia para construir un muro de contención no Campo das Cercas. O devandito muro tería unhas características de 135 metros de longo e 1,83 m. de alto e sería de formigón armado. Asemade estaría a unha distancia do Río Miñor de 26 metros e o obxecto de mesmo sería facer de barreira contra as enchentes para evitar o asolagamento dos edificos do antigo colexio público “Enrique Rodríguez Márquez”. 

Cómpre indicar que a devandita obra sería construida con cargo a fondos da Deputación Provincial de Pontevedra correspondentes ao Plan de Investimentos do ano 2012, cun importe total de 119.375,71 €.

Pois ben, como queira que a solución proposta non é tal, pois no mellor dos casos libraríanse da auga os edificios do colexio vello a conta de asolagar o Parque da Coelleira, as propiedades da outra beira do río e con toda seguridade a zona do matadoiro e da Praza de Abastos, o Centro Neural e o Campo de Fútbol. Por non falar da “piscina natural” que se formaría no espazo pechado polo muro de contención, tal como se forma na actualidade, só coa chuvia, sen muro de contención e sen sair o río. A maiores do impacto visual negativo nunha zona aberta e de lecer que está á vista de todo mundo. Nos últimos anos o parque das Cercas converteuse nunha sorte de lugar de experimentación, onde os diferentes gobernos municipais foron deixando a súa pegada, uns máis cá outros, e algúns de maneira irreversible. E por iso que dende o grupo nacionalista municipal, e para evitar danos maiores e que se actua na devandita zona con coherenca de agora en diante, imos proponer no vindeiro pleno ordinario da Corporación Municipal do 7 de febreiro o seguinte: 

1ª.- A Corporación Municipal de Gondomar insta ao Goberno Municipal a retirar o devandito proxecto para a construcción dun muro de contención no Parque das Cercas. 

2ª.- Propoñer un concurso público de ideas co obxecto de tratar de maneira conxunta todo o espazo público existente na zona das Cercas, incluso contemplando a posibilidade da desaparición do colexio vello e que as actuacións a realizar se poidan facer por fases e sempre gardando a idea de conxunto. 

Urbanismo e Sustentabilidade

A Construcción do Novo Centro de Saúde de Gondomar

O anteproxecto redactado e aprobado polo SERGAS no ano 2009-2010, durante a Alcaldía de Antonio Araúxo, tiña un orzamento de execución material de 2.155.200 € e de licitación de 3.128.057,28 €

No pasado pleno de xaneiro, dende o grupo nacionalista, fixémoslle un rogo ao alcalde para que solicitara da Xunta e do SERGAS que non levase a cabo os recortes previstos no novo centro de sáude que pretenden construir en Gondomar, e que se mantivese o proxectado, deseñado e acordado cando a Alcadía de Antonio Araúxo no ano 2009. Pola importancia do asunto e para que toda a Corporación Municipal de Gondomar se posicione ao respecto, presentaremos unha moción no pleno do vindeiro 7 de febreiro neste sentido, pois entendemos que unha cuestión tan importante non pode ser allea aos representantes públicos dos cidadáns. A veciñanza de Gondomar ten dereito a contar cunha atención médica primaria de calidade, e isto comeza por ter un espazo axeitado onde @s profesionais da sanidade pública poidan exercer o seu traballo con comodidade e cos medios necesarios en espazos suficientes. Onde as persoas usuarias dispoñan de espazos dignos para seren tratadas, atendidas ou, para estar cómodas mentres agardan polas consultas. Para que se cumpran estas condicións, dádo o medre demográfico do noso municipio nos últimos anos que deixou pequeo o actual centro de saúde, é necesario que o deseño do novo centro non hipoteque a implantación no mesmo de novas consultas, novos servizos médicos e de enfermería, etc.

Pois ben, dádo que Xunta de Galicia recolle nos seus orzamentos para o ano 2013 só 1.138.305 € para a construcción do novo centro de saúde de Gondomar, e tendo en conta que o anteproxecto redactado e aprobado polo SERGAS no ano 2009-2010 tiña un orzamento de execución material de 2.155.200 € e de licitación de 3.128.057,28 €, correspondentes a unha superficie construida de 2.128,15 m2 e a unha superficie útil de 1.831,95 m2, resulta evidente que o novo proxecto será reducido en superfies e prestacións de maneira proporcional ao recorte económico producido.

Polo tanto, non tería sentido nin se entendería pola cidadanía, a construcción dun novo centro de saúde máis pequeno ou igual co actual, con todo o que iso conleva de renunciar a novas consultas médicas, de enfermería, de pediatría, dun espazo axeitado para as extraccións de sangue, para almacéns, etc. Por iso ímoslle proponer ao Pleno o seguinte ACORDO:

A Corporación Municipal de Gondomar acorda instar ao Goberno Municipal para que se dirixa á Consellaría de Sanidade da Xunta de Galicia e ao SERGAS, co obxecto de solicitarlle que o proxecto e a construcción do novo centro de saúde de Gondomar, non sufra recorte ningúnn, e como mínimo manteña as superficies e os servizos recollidos no ateproxecto do ano 2009-2010. 

O PXOM de Gondomar ábrese aos Movementos Cidadáns

Despois da entrega dunha copia do PXOM aos grupos da corporación por parte do goberno municipal; despois de que o Grupo Municipal Nacionalista e ANOVA o fixésemos público na nosa web (con máis de 2.500 entradas) e que llelo entregaramos a todas as entidades veciñais, cívicas, culturais, etc, do Concello por entender que os partidos políticos non debemos ter máis privilexios que o resto dos cidadáns; e despois de reclamar publicamente máis participación e transparencia na súa elaboración, na rolda de reunións que o Goberno Municipal está mantendo cos grupos municipais para falar do novo PXOM, conseguimos dende o noso grupo o compromiso do Alcalde de abrir un período de tempo para formalizar achegas e suxestións ao novo PXOM, aberto a todas as entidades cívicas, culturais, ecoloxistas, veciñais que desenvolven o seu traballo en Gondomar, así como á Entidade Local Menor de Morgadáns, e obviamente ao foro da Axenda 21 .

O devandito periódo non sería nunca inferior a dous meses estando agora nas mans do goberno municipal o iniciar canto antes os contatos coas entidades para informalas dos diferentes aspectos recollidos no PXOM, explicarlle a dinámica da tramitación do mesmo, e sobre todo atender e recoller ás súas suxestións ou propostas. Para nós este exercicio de transparencia e participación é básico para comezar a falar cun mínimo de consenso do PXOM que Gondomar precisa. O modelo urbanístico resultante deste proceso, ou é asumido coma propio pola maioría dos cidadáns e cidadás, ou simplemente non terá futuro. A pelota está agora no tellado do PP, e polo tanto o resultado vai depender da vontade política do goberno municipal.

Na xuntanza de hoxe tamén se falou dos diferentes aspectos recollidos no PXOM encanto ao modelo urbanístico que se propón no mesmo. Pois ben, dende o Grupo Nacionalista deixámoslle moi claro ao Goberno Muncipal a nosa profunda discrepancia co modelo proposto, ou se cadra teríamos que falar da carencia de modelo, pois máis ben parece un PXOM para sair do paso que para resolver as graves carencias que Gondomar ten en materia de ordenación territorial. Exemplo disto son uns núcleos rurais reducidos en exceso e máis alá do recollido pola Lei do Solo sen aparente explicación e que deixan fóra dos mesmos a dúcias de vivendas.

Un modelo “dasarrollista” para Vila de Gondomar: inviable economicamente, de imposible xestión e que ignora os ríos que nos abrazan, no canto de telos en conta coma eixos vertebradores dun espazo urbano atractivo e que sexa punto de encontro, espazo de lecer, para os negocios, etc. Unhas ordenazas pouco traballadas e nalgúns casos ambiguas. Os lindeiros entre Gondomar e outros concellos están sen definir con claridade, deixando fóra do termo municipal a moitas vivendas, barrios, propiedades, camiños, etc. Ou deixar sen protección específica espazos naturais de grande biodiversidade como son as Fragas de Oliveira e de Pegonegro.

En todo caso o debate urbanístico queda aberto. Agora dependerá dos representantes públicos, dos axentes sociais, das entidades cívicas, e da veciñanza en xeral, que o modelo escollido e aprobado sexa o mellor para Gondomar.

PREFERENTES: A Solución está no tellado do Goberno do PP

Recentemente os medios de comunicación informaron da reunión que mantiveron os alcaldes do PP de Pontevedra co Presidente Provincial do partido Rafael Louzán para tratar da problemática das preferentes nos respectivos concellos.

Pois ben, desa xuntanza o único que transcendeu á opinión pública foi que os alcaldes teñen intención de poñerse ao frente das mobilizacións que os afectados decidan levar adiante. Que cara dura!!! A estas alturas do conflicto e despois dos múltiples pronunciamentos de diferentes institucións e incluso de organismos europeos ao respecto, xa ninguén dubida de que a solución a esta estafa masiva é política, e que polo tanto pasa por unha decisión do Goberno do Estado, do Banco de España e, obviamente pola implicación real do Goberno da Xunta de Galicia e do Sr. Feijoo.

Que agora os alcades do PP queiran aparacer coma os defensores e os salvadores das persoas estafadas pola venda fraudulenta de preferentes, subordinadas, etc, cando eles forman parte do entramado de poder dun partido que protexe sen pudor á banca e aos banqueiros, cando menos resulta unha burla e un sarcasmo intolerable. Se realmente queren apoiar a estas persoas enganadas, moitas delas votantes do PP, que abandonen en masa a militancia do PP e que retiren os cartos dos seus concellos das entidades estafadoras. Quizais con medidas deste tipo o aparato do PP: o Sr. Louzán, o Sr. Feijoo e o Sr. Rajoy se puxeran a resolver definitivamente este grave problema.

Como nós dubidamos da vontade política do PP para resolver este asunto de xeito favorábel ás persoas estafadas, e como sospeitamos que unha vez máis estamos diante dun inmenso paripé, no Pleno da Corporación Municipal de Gondomar do vindeiro 15 de xaneiro, ímoslle pedir explicacións do tratado e acordado nesa xuntanza ao Sr. Alcalde: que falaron, que acordos tomaron e que medidas van tomar para presionar no Goberno e que resolva o problema definitivamente.